ADN de amorodos

A linguaxe da vida é universal e os constituíntes básicos son os mesmos nun amorodo e en nós mesmos. Así que en 4º de ESO extraemos o ADN duns amorodos, un longo fío enroscado formado por moléculas (bases) unidas en parellas: timina-adenina, citosina-guanina; e así todo, repetíndose millóns de veces. Como teñen moito ADN similar sóense usar para estas cousas.

O primeiro é ter amorodos, desengraxante, alcol e sal. Botamos un pouco de desengraxante en auga e engadimos sal. O desengraxante disolve as membranas da célula e do núcleo e libera o o ADN. O sal sepárao das proteínas ao redor das que vai enrolado.  Engadimos a mestura ao puré de amorodos que fixemos antes e coámolo. A esta mestura resultante botámoslle un pouco de alcol frío para reter o ADN sen que se disolva. E o que sae de aí son uns fíos pequenos e brancos de ácido desoxirribonucleico, o xerme da vida. 

Aí tedes ás nosas orgullosas axudantes.

Concurso Arquimedianos21

 Xa temos gañadoras do concurso de Matemáticas Arquimedianos21: 

• 3º ESO: A. M. M. V.
• 4º ESO: X. G. M.

Parabéns ás dúas e que gocen do libro que merquen.

Descarga 4º

 Física e Química: Presión en fluídos

Problema 4 - Concurso Arquimedianos21

 Problema 4 - 3º e 4º ESO

Cal é a última cifra do número 2⁹⁹⁷  ?

(A calculadora non che vai valer neste caso)

Problema 3- Concurso Arquimedianos21

 Problema 3 - 3º e 4º ESO

María vai andando pegada á parte exterior dun edificio, como o da figura, un día de moita néboa, de tal xeito que só pode ver ata 8 metros de distancia. Cal é a área total da zona que pode ver ao rodear o edificio?

Problema 2- Concurso Arquimedianos21

 Problema 2 - 3º e 4º ESO

x e y son dous números naturais tales que x<y. Sabemos que x+xy=294. Cal é o valor ou valores de x-y?

Descarga 4º

 Matemáticas: Funcións reais de variable real